كنت فاهم انه فاهم ، واللي قاله انه فاهم ، طلع برضه مش فاهم ، واللي فاهم مش عايز يقوله انه فاهم ، ودول فاهمين وتانين مش فاهمين ولا واحد فاهم حاجة في اي حاجة .
رحلة الحياة زاي الطيران لازم قبل الإقلاع تكون مجهز كل حاجة ، وأثناء الطيران تكون مستعد لأي طارئ ، وعندما يحين الهبوط لاى سبب لازم يكون بكل أمان لكل الأطراف .
في ناس هتموت علي الإنجاب ، وفي ناس انجبت أطفال وكانها معندهش أطفال ، وناس مضيعة حياتها علشان أطفالها ، وناس بتجنب أطفال لزيادة الدخل ، ودائما الضحية الاطفال في كل خلاف.
السجون في امريكا جميلة ونظيفة ، وفي بلادنا محتاجة حاجات كثيرة ، وان كانت دي ولا دية ، ففي الاخر هي سجون ، الا انها لا تأتي شيء في سجن الانسن لنفسه حول فكرة وحيدة.
في الهند الناس بتعبد كل حاجة و اي حاجة ، و في بلادنا مفيش غير الثلاثة الاساسية ، لكن البدع اكثر من أديان الهند بكثير.
قابلت رجال كثيرة في حياتي ، أغربهم اللي جامع كل متناقضات الصفات البشرية ، قوي و يخاف من المواجهة يبين الشجاعة وهو جبان ، كبير سن وتصرفاته عيال، كلامه كله كذب وينسى كدبه .
ربنا خلق الطيور في كل مكان ، ومنها المهاجرة اللي بتقضي نصف حياتها مهاجرة ، وكذالك الانسن ، اللي لا يعرف كيف يتكيف مع المجتمع اللي حواليه.
الرجال العاقل هو الذي لا يضع شروط في حياته ، لانه لو فعلها سيبقي امام خياران الاول انه يكون قادر علي إلزام الاخرين علي تنفيذ شروطه ، او التراجع عنها ، وفي الحالتين ان لم يستطيع يكون الامر بمثابة انتحار لرجولته.